اقدم لكم مجموعة قواعد اتكيت السلوكيات والحوار
لتگول "لا" ببداية رفضك لرأي ثاني ، وانما ابدأ بشيء ايجابي عن الموضوع وبعدها اذكر رأيك المخالف .
اتجنب الحديث بموضوع ماعندك معرفه بي ، او روح اجمع كافة المعلومات و البيانات الحديثة إذا جنت ترغب الاشتراك بالنقاش .
لتقدم نصيحة لأحد إلا إذا طلب منك ولا تتحمس لأي شي من نفسك لان من المحتمل تفشل او ميهتم لكلامك .
إذا توجهتلك تحية بخصوص ملابسك فماكو داعي تبخس قدر نفسك وتؤكد بأن ملابسك "قديمة" أو "رخيصة" أو متستحق الثناء" أو أي صفة تقلل من شأن ملابسك .
اتجنب الكلام أثناء الأكل أو على الأقل خلي ايدك على الفم من تتكلم .
إذا كملت اكل اشكر الي حضرلك الاكل والافضل استخدم احد العبارات : عاشت الايادي او سفرة دايمة .. الخ
اتجنب الحلفان والقسم واستخدم عبارات ثانية بأثبات كلامك مثلاً : كون على ثقة او صدگني ، او ثق بكلامي ، او مثل مداكُلك .. الخ من العبارات .
إذا جنت بضيافة أشخاص ميتحدثون اللغة الانكليزية فمن الغير اللائق تكثر من استخدام المصطلحات الانكليزية ،أو تندمج بحديث جانبي باللغة الانكليزية مع شخص آخر يجيدها !
إذا جان مُحدثك من هواة مقاطعة الآخرين أثناء الكلام وتكررت مقاطعته لكلامك أكثر من مرة، فأفضل حل هو تنتبهله وتباوع عليه وتكُله بتهذيب "دقيقة من رخصتك او من فضلك، او إذا سمحت اريد أشرح وجهة نظري وبعدها أترك الكلام الك .
اتجنب الحديث بصوت عالي ويا أصدقائك من تصعد مواصلات عامة (كيا او كوستر) .
- اذا بمطعم انت واصدقائك ويحين وقت الدفع يتم اقتسام المبلغ بالتساوي .. أما إذا جان غداء عمل ؛ فصاحب الدعوة هو يدفع .
وإذا جنت بموعد غرامي فالدفع بدون شك - عليك .
