اولاً القواعد العامة للاتصال :
1- احذر الشجار اثناء المكالمة لان راح تزيد المشاجرة ، لان الاتصال الغير مرئي ميوصل الافكار والاراء بوضوح والايماءات وتعبيرات الوجه الها دور بتوصيل الفكرة بوضوح ، يمكنك تأجيل النقاش بأول لقاء بالشخص حرصاً من تضاعف الموقف .
2- من تجري مكالمة تجنب الحچي بصوت عالي ، لان المحمول بي مايك ولاقطة حساسة ممكن تنقل صوت همسك .
3- تجنب اجراء مكالمة بأمكان مغلقة فهذا يسبب ضيق وعدم ارتياح الموجودين
3- من تجري مكالمة حاول تقرغ للمكالمة ولتتشتت ، وعدم انتباهك ينطي فكرة سيئة عنك .
4- لتجري اي اتصال وانت تاكل مع اي شخص
5- في حال جلوسك بأجتماع ضروري يكون هاتفك صامت واذا اضطر الامر بالرد على مكالمة استأذن من الحضور قبل الرد ، على ان لا تزيد اكثر من مره او تنسحب من المكان بشكل نهائي ، فهذا مو دليل على انك مهم وانما دليل على قلة الذوق ، لان احتمال غيرك اكثر اهمية بس مراعي الذوق العام .
6- خليك حريص جداً بأختيار اوقات الاتصال بأن تكون مناسبة الك وللمقابل المتصل عليه .
ثانياً : القواعد الخاصة بالمُتصل :
1- اذا جان الاتصال بخصوص عمل طارىء يفضل ان تبدأ المكالمة بتحية وبعدها تدخل بالموضوع مباشرةً بدون التطرق لتفاصيل ثانية حتى يشعر المُجيب باهمية الامر وهذا الاتصال خاص بالعمل فقط مو للاطمئنان .
2- لتنسى التحية ببداية الحديث والاطمئنان على صحته وعن الاشخاص القريبن عليه بدون المبالغة ، فهذا يترك انطباع حب واهتمام اتجاهه .
3- اذا جان اتصالك بشخص غريب ، بعد التحية ضروري ان تگول اسمك الكامل وصفتك او لقبك وبعدها تذكر سبب اتصالك .
4- اذا جان الشخص غريب خليك حريص بأستعمال الالقاب كـ (السيد او الانسة او السيدة) .
5- بما ان انت المتصل فأنت الي ينهي المكالمة
ثالثاً بالنسبة للمُجيب على الاتصال :
1- إذا جاوبت على الاتصال فأنت بالتأكيد على الأستعداد للحديث ولهذا يجب عليك الألتزام بقواعد الاتصال .
2- بما انك جاوبت على الاتصال ادي التحية وبعد الرد على التحية انتظر المتصل بأن يتكلم لان هو المتصل ما عليك غير ان تعقب على كلامة بعد انتهائه ، ومادام هو المتصل فأتركه يكمل كلامة .
3- احياناً يكون مزاجك متعكر او المكان غير مناسب فأعتذر من المتصل بعدم استطاعتك اكمال الحديث واوعده بأن تعاود الاتصال بي بعد ساعة او ساعتين .
4- ماممكن بأي حال من الاحوال ان متجاوب على الاتصال ، مثلاً المتصل هو شخص زائر لبيتك وانت مجاوبته .! تتصور الموقف ..؟
واذا نهائياً متكدر ترد فتكدر ترسل رسالة نصية بالاعتذار وتوعده بأن راح تتصل بي بأقرب وقت .
5- كما يسأل المُتصل عليك وعلى أحوالك ، لا تنسى أبداً ان تسأله عن حاله وتبادله نفس الأهتمام ، لان بهذا التصرف تترك انطباع الاهتمام والحب اتجاهك ، وعدم مبادلته الاهتمام فهذا الامر قلة ذوق .
5- نهائياً لتبادر بأنهاء المكالمة ، لان المتصل هو صاحب الاختيار بالبدأ وكذلك بالانهاء .
6- لتخرق قواعد الإتيكيت بإرسال رنة واحدة للمتصل حتى يتصل هو .. وإذا كان رصيدك غير كاف لإجراء المكالمة فاكتفِ برسالة أو انتظر حتى تتمكن من الاتصال بي .
7- لتترك هاتفك يرن لفترة طويلة حتى ميتضايق المتصل من عدم اهتمامك وكذلك متضايق الموجودين بالقرب منك بصوت رنة الهاتف ، فأتخذ اجراء .
8- ضع تليفونك دائما على خاصية الاهتزاز أو الصامت خلال زيارتك لمريض أو بعيادة طبيب أو بالاجتماعات والمحاضرات .
واخيراً اختار نغمة رنين غير مزعجة .
