بعض قواعد اتكيت المناسبات والمعايدة :
هي من الامور البديهية واغلبها نمارسها بس بمرور الزمن كثير من التفاصيل البسيطة الي تخلق اجواء حلوة بدت بالانقراض وكذلك انضافت تفاصيل سلبية .!
اتمنى كدرت الفت النظر لبعض التفاصيل وانقد بعضها
- اختلفت طرق المعايدة عن الماضي ، قبل چان الكل يزور الكل من دون مواعيد ، ويستيقظ الاقارب الصبح ويبدؤون المشاوير بدون تخطيط ويفترون على كل الاقارب .!
بس مع تقدم التكنولوجيا وتباعد البيوت وزيادة العوائل الصغيرة صارت للمعايدة اصول جديدة وكذلك تثبيت للاصول القديمة الايجابية :
: المعايدة ليلة العيد بالرسائل الإلكترونية
واحدنا يرسل رسالة جماعية تحمل كلمة عبد مبارك وتحديد للكل وارسال ، والاسوء من تكون رسالة منسوخه ومعممه عند الجميع ، فهذا التصرف ميحمل شخصيتك وتبين بأن الجميع سواسية من الاصدقاء المقربين والمعارف او الاقارب وزملاء العمل لانهم تلقو منك نفس الرسالة وهذا الشي مامحبب عند الكثير
فأبتعد عن هذا السلوك وخليك مميز فـ :
لازم تقسم معارفك لمجموعات
الاصدقاء المقربين : ترسل لكل واحد منهم رسالة شخصية بذكر اسم الصديق ببداية الرسالة واسمك بنهايتها ، حتى تبين مدى اهميته وكذلك تعكس شعور جداً ايجابي
الاقرباء البعيدين الي متتمكن من زيارتهم : ترسل رسالة خاصة الهم
زملاء العمل : ترسللهم رسالة وحدة تحمل معاني الامتنان على التعاون بالعمل والتمنيات بالتطور وكذلك بقضاء عطلة طيبة
. المجموعة الأخيرة للمعارف الي يمرون بظروف خاصة، مثل المتزوجين بالجديد ، أو المرضى، أو المسافرين، أو من يمرون بظروف الحداد فلا تتم تهنئتهم بالعيد لانهم يمرون بحالة الحزن متسمح بتقبل التهاني، ولكن تسمح بنقل التمنيات بجلاء همومهم مثلاً وطلب المغفرة والرحمة لمن فقدوا.
الزيارات :
زيارة بيوت الكبار أولا، الجد والجدة والوالدين وبيت أهل الزوج وتقديم المعايدة. و زيارة الأقارب الأصغر سنا والأبعد كالأعمام والأخوال والعمات والخالات.
حاول الاتصال قبل الوصول وأنت بالسيارة لإبلاغهم بزيارتك، احتمال يكونون هم طالعين للمعايدة أو يمرون بظرف غير متوقع
يجوز للجد او للاب او الام والاكبر سن التربطهم علاقة عائلية متينة ان ينطي للاطفال (دون سن الـ 16 عام) مبلغ نقدي وحسب الامكانية ويفضل ان ميدخل هذا الموضوع بالمجال التجاري ! بمثل هيج مناسبة دينية .
و يُمكن للمعايدة أن تستمرّ بعد انتهاء العيد لمدة سبعة أيام .
ضروري تكون مدة زيارة العيد متتجاوز الثلث أو النصف ساعة. لان الكل يريد يطلع للمعايدة
والزيارات واحتمال كبير يكونون تعبانين لذلك من الأفضل تقصير مدة الزيارة، على أن تكون في الصباح أو العصر ، حتى لتصير ثقيل عليهم وينتظروك تطلع
والافضل اتركوا فترة الظهر حتى يتغدى أهل البيت سويه لان فرصة يلتمون بعد ايام من الانشغال بالعمل وكذلك فرصة تجمعهم سويه بمناسبة مفرحة .
